غادة عبدالرازق: أخويا كان السبب في وفاة والدي

كشفت النجمة غادة عبد الرازق، تفاصيل جديدة عن وفاة والدها، وذلك خلال لقائها في برنامج كلمة أخيرة للإعلامية لميس الحديدي.

وقالت غادة عبد الرازق: كان عندنا ولد واحد هو خليل وإحنا كلنا بنات، وكان خليل مميز جدا علشان هو الولد الوحيد، ويعتبر عامل في موت أبويا.

وتابعت: والدي أصيب بجلطة خلال مرافعته في مجلس الدولة في قضية الوفد، كان قبلها بيومين خليل خبط ولد بالعربية والولد دخل المستشفى.

وأضافت: خليل مش عايز يقول لبابا على مكان الولد، وفاكرة إن حصلت خناقة جامدة جدا، وبابا دخل على خليل الأوضة وضربه علشان يعرف مكان الولد، وثاني يوم في الجلسة أصيب بهبوط في الدورة الدموية ووقع.